Lampard: Yjet e Chelsea duhet të motivohen nga transferimet, jo të frikësohen

09:35 | 13 Shtator 2020
Arditë Shkodra

Frank Lampard ka folur lidhur me transferimet e Chelsea.

Trajneri i Chelsea, Frank Lampard, ka dhënë disa komente interesante, duke përcjell një mesazh për yjet e skuadrës së tij.

Raportohej më parë nëpër mediet britanike se Mason Mount është i pakënaqur me transferimin e Kai Havertz. Nëse një gjë e tillë është e vërtetë, ai duhet të dëgjojë fjalët e Lampard.

“Duhet ta ngrisin skuadrën (transferimet). Lojtarët me mentalitetin e duhur bëjnë shokë me lojtarë, i bëjnë të ndihen të mirëseardhur dhe provojnë të punojnë brenda skuadrës sa më mirë të munden”, ka thënë Lampard, transmeton lajmi.net.

“Me shpresë, ne do të shohim nivelin teksa ngritet përbrenda skuadrës”, shtoi Frenkie.

Chelsea e nis sezonin në udhëtim kundër skuadrës së Brighton, nesër, me fillim nga ora 21:15.